O mércores 12 de agosto ás 21:30 horas, a Praza Maior de Viana do Bolo acollerá un concerto moi especial da man do recoñecido e renovado grupo valdeorrés Son do Sil, nunha actuación cargada de emoción e recordos..
Será o broche de ouro dunha xornada inesquecible que comezará coa observación do eclipse total de Sol e continuará coa homenaxe a un dos nosos veciños máis queridos: Pepe Seara..
Natural de Viana do Bolo, Pepe Seara foi unha das grandes voces de Son do Sil durante moitos anos, levando a música galega por numerosos escenarios e conquistando o cariño do público coa súa voz e coa súa calidade humana..
No ano 2020, durante o estado de alarma, converteuse nun símbolo de esperanza para veciños e veciñas ao saír cada día ao balcón para compartir a súa música e facer máis levadeiras aquelas difíciles xornadas..
O seu falecemento en xullo de 2025 deixou un fondo baleiro entre a súa familia, amizades e veciñanza. Agora, Son do Sil regresa á súa vila para renderlle unha merecida homenaxe cun concerto cheo de emoción, música e lembranzas..
Estades todos/as convidados/as a compartir o legado dun artista que levou o nome de Viana do Bolo con orgullo alá por onde cantou..
Mércores 12 de agosto.
21:30 horas.
Praza Maior de Viana do Bolo