Novas

Debido ás malas condicións meteorolóxicas previstas para mañá domingo e dado o mal estado do camiño polo que transcorre a ruta, vémonos na obriga de suspender a realización da "III ANDAINA CONTRA A VIOLENCIA MACHISTA", e aprazala ata que a climatoloxía mellore.
Recordamos que a pesares deste contratempo, a tarde do domingo tedes dúas interesantes citas coa igualdade: unha en forma de espectáculo para toda a familia con "Rosa Caramelo", e outra coa proxección das curtas "16 de novembro" e "Suc de Sindria" organizada polo Cine- Clube A Lanterna.

Ver máis

O vindeiro xoves 21 de novembro ás 20:30h, terá lugar a estrea oficial das curtas "Campioas na sombra" e "Os mundos de Yina" elaboradas polo alumnado do Obradoiro de Cinema realizado este verán entre a mocidade vianesa.
A curtametraxe documental "Campioas na sombra" trata de recoñcer o papel da muller no deporte e poñer en valor os logros das mulleres deportistas, tan invisibilizadas na sociedade. 
Por outra banda, a curta "Os mundos de Yina", narra a historia dunha adolescente que se afasta dos estereotipos e roles de xénero que a sociedade lle marca con todos os problemas que isto lle acarrea.  
Durante o acto trataremos de homeaxear a estes/as novos/as creadores/as que co seu traballo e esforzo dan mostras do seu compromiso e "loita" para lograr a igualdade de xénero. 
Non faltedes á cita!! 

Ver máis

Por causas alleas ao Concello de Viana do Bolo vémonos na obriga de aprazar o espectáculo teatral "Rosa Caramelo" previsto para mañá. 
Daremos máis información sobre a nova data de realización nos vindeiros días.
Perdoade as molestias! 

Ver máis